Wéi lafen d´Sëtzungen of?
No Ärer Kontaktopnam arrangéiere mir en onverbindlecht Éischtgespréich. Ziel vun dësem Echange ass datt Dir Äert Uleies formuléieren an Är Froe stelle kënnt, Dir iech een éischten Androck vu menger Aarbecht verschafe kënnt an ech en Iwwerbléck vun Ärer aktueller Liewenssituatioun a Problematik kréien.
Doropshin entscheede mir zesummen ob passend zu Ärem Uléiss eng Psychotherapie zoutrefft ass a formuléieren entspriechend éischt Zieler.
An der Therapievirbereedungsphase (fir gewéinlech 3 zousätzlech Sëtzungen) gëtt en ausféierleche Diagnostik duerchgefouert, fir de Problem a sengem biografesche Kontext ze erfaassen a fir ze verstoe firwat datt e weiderbesteet a wéi e sech behiewe léist.
An der dorop folgender Therapiephase ginn déi gemeinsam erschafften Zieler ëmgesat.
D’Dauer vun der Therapie riicht sech individuell un Är Liewenssituatioun an Är Problematik aus (exemplaresch Kurzzäittherapie: 12-24h, Langzäittherapie: 45-60h). An der Reegel dauert eng Sëtzung 50 Minutten.
D’Käschte fir d’Leeschtunge vun engem Psychotherapeut gi vun der Gesondheetskeess (CNS) nëmme mat enger medezinescher Ordonnance rembourséiert.
D’psychotherapeutesch Leeschtungen, déi an der Nomenclature vun de Psychotherapeute gelëscht sinn, gi vun der CNS fir Erwuessener zu 70% a fir Assuréen, déi zum Datum vun der Ordonnance nach keng 18 Joer erreecht hunn zu 100% rembourséiert. Weider Informatioune fannt Dir op der Internetsäit vun der CNS: https://cns.public.lu/de/assure/vie-privee/sante-prevention/prestations-medicales/psychotherapie.html